BQO-da órtengen úıden eki gaz ballony shyǵaryldy
ORAL. QazAqparat – Batys Qazaqstan oblysynda órtengen úı ishinen eki gaz ballony shyǵaryldy, dep habarlaıdy QazAqparat tilshisi.
BQO TJ departamentiniń bas mamany Mereke Jumaǵalıevtiń aıtýynsha, oqıǵa 20 mamyr kúni keshkisinBáıterek aýdany Sulýkól aýylynda oryn aldy.
Saǵat 18.52-de Dostyq 1-mekenjaıynda jeke turǵyn úı otqa orandy.
«Tilsiz jaýdy» aýyzdyqtaýǵa №22 órt sóndirý bólimimen (4adam, 1 tehnıka) qatar memlekettik emes «Semser-Órt sóndirýshi» JShS (7 adam, 1 tehnıka) kúshi jumyldyryldy.
Aýmaǵy 50 sharshy metrdi qamtyǵan órt saǵat 21.55-te sóndirildi. Oqıǵa ornynan órt sóndirýshiler 2 gaz ballonyn alyp shyqty.
Bıyl jyl basynan beri oblysta turǵyn úı sektorynda 117 órt tirkelip otyr.
Eske sala keteıik, budan buryn Oralda túnde órt shyqqan kópqabatty úıden 83 adamnyń evakýatsııalanǵanyn jazǵan bolatynbyz.
