BQO-da órt ornynan 95 jastaǵy keıýananyń múrdesi tabyldy
ORAL. QazAqparat – Batys Qazaqstan oblysynda turǵyn úıdegi órt ornynan 95 jastaǵy keıýananyń múrdesi tabyldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 5 qarasha kúni Báıterek aýdany Darııan aýylynda oryn aldy.
Saǵat 05.45-te turǵyn úıdiń órtengeni jóninde habar túsken.
Oqıǵa ornyna jetken órt sóndirýshiler jıhazdar men jeke zattardyń (aýmaǵy – 25 sharshy metr)janyp jatqanyn anyqtady.
Órt ornynan 1924 jylǵy azamatshanyń denesi tabyldy.
Oǵan qosa bir adam orta dárejeli gazdan ýlanǵan.
Órttiń shyǵý sebebi, keltirilgen shyǵyn, kináli adamdar anyqtalý ústinde.
«Tilsiz jaý» 06.11-de oqshaýlanyp, 06.40-ta aýyzdyqtaldy. Órtti sóndirýge 4 adam, 1 tehnıka jumyldyryldy.
Oblystyq densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, gazdan ýlanǵan 70 jastaǵy áıel aýdandyq aýrýhanaǵa jatqyzyldy.
Eske sala keteıik, budan buryn Aqsaı qalasynda turǵyn úı órtenip ketkenin jazǵan bolatynbyz.
