BQO-da órt qaýipsizdigi talaptaryn buzǵan 440-tan astam adam jaýapqa tartyldy
ORAL. KAZINFORM — Batys Qazaqstan oblysynda bıyl 8 orman órti (ótken jyly osy merzimde — 6) tirkelip, onyń jalpy aýdany 50,7 gektarǵa (45,6 ga) jetti.
BQO TJD bastyǵynyń orynbasary Nuraly Músıevtiń óńirlik kommýnıkatsııalar qyzmeti alańynda ótken brıfıngte málim etkenindeı, sonymen qatar 2 dala órti (2025 jyly osy merzimde — 2) 1 200 gektardy (1 200 ga) sharpydy.
Sonymen qatar dalada 64 janý deregi (85) oryn alyp, onyń aýmaǵy 1 023,1 ga (1 671,5 ga) boldy.
Nuraly Qajmuqanulynyń sózine qaraǵanda, materıaldyq shyǵyn 336,1 myń teńgege jetip, ótken jylǵydan (140,1 myń teńge) áldeqaıda ósti.
— Orman órtterin ýaqytyly anyqtaý jáne tez oqshaýlaý úshin Aqjaıyq, Bórli, Taıpaq, Oral, Chapaev, ıAnvartsev orman jáne janýarlar dúnıesin qorǵaý jónindegi KMM aýmaǵyn qamtıtyn 10 beınekamera ornatylǵan. Olar erte anyqtaý júıesine jáne departamenttiń tsıfrlyq servısterine qosylǵan. Budan bólek, departamenttiń kezekshi bólimi oblys aýmaǵynda ǵaryshtyq monıtorıng júrgizý úshin dala jáne orman aımaqtarynda janý núktesin dereý anyqtaý maqsatynda «Qazaqstan Ǵarysh Sapary» júıesi arqyly táýlik saıyn ǵaryshtyq monıtorıng júrgizedi. Sondaı-aq oblys aýmaǵynda Aqjaıyq aýdany Chapaev aýylyndaǵy orman sharýashylyǵy aýmaǵynda «Qazavıaormanqorǵaý» RMQK-ǵa tıesili tikushaq ornalastyryldy. Atalmysh ushaq oblys aýmaǵynda órt qaýpiniń kúsheıýine baılanysty áýeden kestege sáıkes patrýldeý jumystaryn júrgizedi, — dedi N.Músıev.
Onyń aıtýynsha, kúni búginge deıin mobıldi toptarmen órt qaýipsizdigi talaptarynyń saqtalýyn baqylaý maqsatynda 901 reıdtik is-shara ótkizildi. Sonyń nátıjesinde órt qaýipsizdigi talaptaryn buzǵan 441 tulǵa ákimshilik jaýapkershilikke tartyldy. Sonyń ishinde 46-syna 2,1 mln astam teńge aıyppul salyndy.
Eske sala keteıik, budan buryn Oral qalasynda Han toǵaıy otqa oranǵanyn jazǵan edik.
Sondaı-aq Oralda tótenshe jaǵdaı jarııalandy.
Batys Qazaqstanda ormanǵa kirýge tyıym salyndy.
