BQO-da ormanda adasyp ketken turǵyn qutqaryldy
ORAL. QazAqparat - BQO-nyń Terekti aýdanynda ormanda adasyp ketken turǵyn qutqaryldy, dep habarlaıdy «QazAqparat» HAA tilshisi.
BQO TJ departamenti jedel qutqarý jasaǵynyń bas qutqarýshy-psıhology Láıla Ábdirahmanovanyń aıtýynsha, 1959 jylǵy er adam 17 aqpan kúni saǵat shamamen 22.00-de Abaı aýylyna jete almaı, joǵalyp ketken. Sońynan anyqtalǵanyndaı, Kóshim aýylynan Abaıǵa jaıaý barmaq bolǵan ol joldy qysqartyp, tike shyǵamyn dep, ormanda adasqan.
Quramynda bes qutqarýshy jáne kınolog bar arnaıy top izdeýge shyqty. Qutqarý jumystaryna «ÝAZ» avtokóligi, kez kelgen jerden óte alatyn «TREKOL» tehnıkasy jáne qarshana tartyldy. Іzdestirý jumystarynyń túngi ýaqytta júrgizilgenine qaramastan, tórt saǵat ótken soń er adam tabyldy. Qatty tońǵan onyń aıaǵynyń ókshesin úsik shalǵan, qutqarýshylar jedel járdem kelgenshe kómek kórsetti.
Qutqarýshylar adasqan adamdy Abaı aýylyna deıin jetkizip, aýdandyq jedel járdem brıgadasyna tabys etti.
Eske sala keteıik, budan buryn óńirde dalada úsip ketken úsh adamnyń múrdesi tabylǵan bolatyn. 
