BQO-da orman arasynan er adamnyń múrdesi tabyldy
ORAL. QazAqparat – Shyńǵyrlaý aýdanynda orman arasynan er adamnyń múrdesi tabyldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa Shyńǵyrlaý aýylynda oryn aldy.
Keshe saǵat 17.00-de aýyldyń ońtústik bóligindegi toǵaı ishinen zorlyqpen óltirilgen 1962 jylǵy er adamnyń jerge kómilip tastalynǵan denesi tabyldy.
Marqumnyń kim ekendigi anyqtaldy. Ol 20 qyrkúıekte iz-túzsiz joǵalǵan adam retinde tirkelgen bolatyn.
Qazirgi kezde oqıǵa kýágerleri men qylmysqa qatysy bar adamdardy anyqtaý maqsatynda keshendi jedel tergeý sharalary júrgizilýde.
QR QK 99-baby 1-bóligine sáıkes (kisi óltirý) qylmystyq is qozǵaldy.
Eske sala keteıik, budan buryn BQO-da bir kúnde úsh adamnyń jol apattarynan qaza tapqanyn jazǵan bolatynbyz.
