BQO-da Oral-Aqsaı jolynda polıtsııa qyzmetkeri mert boldy
ORAL. QazAqparat - Batys Qazaqstan oblysynda jol apatynan polıtsııa qyzmetkeri mert boldy, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 9 maýsym kúni shamamen saǵat 19.45-te Oral-Aqsaı jolynyń 25-shaqyrymynda boldy.
Kúre jolda 28 jastaǵy júrgizýshi «VAZ-2110» avtokóliginiń rýline ıe bola almaı, aýdarylyp qaldy.
Jol apaty saldarynan oblystyq patrýldik polıtsııa batalonynyń 28 jastaǵy qyzmetkeri aýrýhanada kóz jumdy.
Onyń qasynda bolǵan eki jolaýshy zardap shekken joq.
Atalǵan oqıǵa boıynsha QR QK 345-baby 3-bóligine sáıkes qylmystyq is qozǵalyp, sotqa deıingi tergeý amaldary júrgizilýde. Tıisti saraptamalar taǵaıyndaldy.
BQO polıtsııa departamentiniń basshylyǵy men jeke quramy marqumnyń týma-týysqandaryna qaıǵysyna ortaqtasyp, kóńil aıtady.
Eske sala keteıik, budan buryn BQO-da polıtsııa qyzmetkeriniń jol apatynan qaza tapqanyn jazǵan bolatynbyz.
