BQO-da Ónege-Bısen-Saıqyn joly kelesi jyly salynyp bitedi
«QazAvtoJol» UK» AQ-nyń baspasóz qyzmetinen málim etkenindeı, qazirgi tańda joldyń úshten biri daıyn, 35 shaqyrymǵa asfalt tóseldi.
Taıaýda jol belgileri ornatylatyn bolady.
Atalǵan jol qurylysy kesheýildep, bıyl qaıta qolǵa alynǵan bolatyn. Jol qurylysyn otandyq merdiger uıymdar júrgizýde.
«Kúrdeli jóndeý nysanynda qurylys-montaj jumystary úshin barlyq qajetti kúsh-quraldar qarastyrylǵan. 140-tan astam arnaıy tehnıka men 200-den astam jolshylar jumys jasap jatyr. Jumystar kestege sáıkes táýlik boıy júrgizilýde. Merdiger uıymdar eki asfalt-beton zaýytynyń múmkindigin paıdalanýda. Birqatar qurylys materıaldary kórshiles Aqtóbe jáne Mańǵystaý oblystarynan jetkizilýde», dep habarlady vedomstvodan.
Atalǵan respýblıkalyq joldyń jalpy uzyndyǵy – 103 shaqyrym, ol eki bólikten turady. Joldy 2023 jyldyń sońyna deıin salyp bitirý josparlanyp otyr.
Foto: ru.qaj.kz