BQO-da on aıda 310-nan astam turǵyn úı órtenip, alty adam qaza tapty
ORAL. QazAqparat – Batys Qazaqstan oblysynda bıylǵy on aıda turǵyn úı sektorynda 310-nan astam órt boldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, sonyń saldarynan alty adam qaza tapty.
Turǵyndar arasynda saqtandyrý sharalary júrgizilip jatqanymen, órt tyıylar emes.
31 qazan kúni saǵat 13.56-da Aqjaıyq aýdany Mergen aýyldyq okrýginde Kishi kardon qystaǵynda turǵyn úıdiń órtengeni jóninde habar túsken.
Aýmaǵy 80 sharshy metrdi qamtyǵan órt 15.45-te oqshaýlanyp, 17.41-de aýyzdyqtaldy. Oǵan 4 adam, 1 tehnıka jumyldyryldy.
Bul joly zardap shekkender bolǵan joq.
Sol sekildi turǵyndardyń qysqa jınaǵan mal azyǵy da qas-qaǵymda kúlge aınalýda. Mysaly, 30 qazan kúni Syrym aýdany ortalyǵy Jympıty aýylynda 11,5 tonna pishen janyp ketti.
