BQO-da Olımpıada jeńimpazyna 500 myńnan aqsha tólenbek
ORAL. QazAqparat - Bıyldan bastap barlyq qazaqstandyq sportshylar, olardyń jattyqtyqtyrýshylary, klýb jetekshileri alatyn aı saıynǵy tólemderiniń mólsheri zańmen bekitildi. Osyǵan oraı BQO ákimdiginiń arnaıy qaýlysy qabyldanyp, atalǵan qujat bıylǵy 18 qyrkúıekten kúshine endi. Bul týraly óńirlik kommýnıkatsııalar qyzmeti alańynda BQO dene shynyqtyrý jáne sport basqarmasynyń basshysy Ásııa Amanbaeva málim etti, dep habarlaıdy «QazAqparat» tilshisi.
Onyń aıtýynsha, jańa jyldan bastap, mysaly, Olımpıada oıyndarynyń jeńimpazyna 500 myń, ekinshi oryn ıegerine 450 myń, qola júldegerge 400 myń teńge tólenedi. Álem birinshiligi júldegerlerine sáıkesinshe 350 myń, 300 myń jáne 250 myń teńgeden tólenedi. Mundaı tólemder olımpıadalyq emes oıyn túrleri jáne komandalyq oıyndar boıynsha da qarastyrylǵan. Eresekter ǵana emes, jastar men jasóspirimder arasynda da túrli jarystarda oza shapqandar umyt qalmaıdy. Osy kezge deıin oblysta 29 sportshy aı saıynǵy aqshalaı tólemdi alyp tursa, 2018 jyly olardyń qatary 115-ke jetpek. Ár sportshymen kelisimshart jasalyp, sonyń negizinde ol tıisti mólsherde eńbekaqy alyp, tek BQO namysyn qorǵaýǵa tıisti bolady. Óńir bıýdjetinen eńbekaqy alatyn, ulttyq qurama sapyna engen sportshynyń nátıjesine monıtorıng júrgizilip otyrylady. ıAǵnı olar durys jattyqpaı, sporttyq tártipti buzsa, jarysta tómen nátıje kórsetse nemese dopıng qabyldasa, tólem toqtatylady. 115 sportshyǵa aı saıyn 8,220 mln teńge, sondaı-aq 62 jattyqtyrýshyǵa 2,293 mln teńge, barlyǵy 10,5 mln astam teńge tólenbek. Sonda bul maqsatqa jylyna shamamen 120 mln teńge jumsalmaq. Bul - sportshylar úshin úlken qoldaý.
