BQO-da oqýshynyń shprıts suǵyp alý oqıǵasy boıynsha qyzmettik tekserý júrgizilýde
ORAL. QazAqparat - Batys Qazaqstan oblysynda oqýshynyń shprıts suǵyp alý oqıǵasy boıynsha qyzmettik tekserý júrgizilýde, dep habarlaıdy QazAqparat tilshisi.
BQO bilim basqarmasynyń baspasóz qyzmetinen túsken málimetke qaraǵanda, Jańaqala aýdany Jýalyoı aýylyndaǵy H.Nurymǵalıev atyndaǵy jalpy orta bilim beretin mekteptiń 7-synyp oqýshysy Eltynysh Amanjol 22 qazan kúni 6-synypta oqıtyn Elvıra Jarastyń sol jaq qaryna shprıts suǵyp alǵan.
Oqýshy medbıkege baryp, alǵashqy kómek alǵan.
Kúni búgin jaraqat alǵan qyz bala aýdandyq emhanada tekseristen ótkizilip, em alýda jáne qosymsha ambýlatorlyq baqylaý taǵaıyndaldy.
Jalpy medıtsınalyq tekseristiń aldyn ala qorytyndysy boıynsha qan arqyly juǵatyn qaýipti ınfektsııalyq aýrýlardyń belgileri anyqtalǵan joq.
Bolǵan oqıǵaǵa baılanysty Jańaqala aýdandyq bilim bóliminiń 25 qazandaǵy №104-1 buıryǵymen qyzmettik tekseris júrgizilýde.
Qorytyndysy boıynsha jaýapty tulǵalarǵa tıisti sharalar qabyldanatyn bolady.
Eske sala keteıik, budan buryn oqýshynyń qyz balaǵa shprıts suǵyp alǵanyn jazǵan bolatynbyz.
