BQO-da oqýshylardyń kólikpen aýdarylýyna baılanysty qylmystyq is qozǵaldy
ORAL. QazAqparat - Jańaqala aýdanynda oqýshylardyń kólikpen aýdarylýyna baılanysty qylmystyq is qozǵaldy, dep habarlaıdy QazAqparat tilshisi.
Budan buryn jazǵanymyzdaı, 20 sáýir kúni 11-synyp oqýshysy «Lada Largýs» avtokóligin aıdap ketip, aýdarylyp qalǵan edi. Avtokólikte ózimen birge bes synyptasy bolǵan. Ókinishke qaraı, oqıǵa sońy qaıǵyly aıaqtaldy. Kóliktiń ishinde bolǵan 17 jastaǵy oqýshy qyz keıin, 25 sáýir kúni aýrýhanada kóz jumdy. Osylaısha qyzǵaldaq teremin dep barǵan 11-synyp oqýshysy qyrshyn ketti.
BQO polıtsııa departamentiniń baspasóz qyzmetinen túsken málimetke qaraǵanda, qazirgi kezde eki bap boıynsha qylmystyq is qozǵalǵan.
Atap aıtqanda, QR QK 200-baby (avtomobıldi nemese ózge de kólik quralyn jymqyrý maqsatynsyz zańsyz ıelený) jáne 345-babyna (kólik quraldaryn basqaratyn adamdardyń jol júrý nemese kólik quraldaryn paıdalaný qaǵıdalaryn buzýy) sáıkes tergeý amaldary júrgizilýde.
