BQO-da oqýshy qyz balaǵa shprıts suǵyp aldy
ORAL. QazAqparat - Batys Qazaqstan oblysynda oqýshy qyz balaǵa shprıts suǵyp aldy, dep habarlaıdy QazAqparat tilshisi.
Oqıǵa 22 qazan kúni Jańaqala aýdany Jańaqazan aýyldyq okrýgi Jýalyoı eldi mekenindegi H.Nurymǵalıev atyndaǵy orta mektep aýlasynda oryn aldy.
Jańaqala aýdandyq ortalyq aýrýhanasynyń dırektory Shyńǵys Sársenǵalıevtiń aıtýynsha, mektep aýlasynda 7-synypta oqıtyn er bala 6-synyp oqýshysynyń sol jaq qaryna shprıts ınesimen jaraqat salǵan.
Aýyldyń feldsheri 2006 jylǵy qyz balaǵa alǵashqy kómek kórsetken.
«Búgin qyz balany aýdandyq aýrýhanaǵa aldyryp, ol tolyq tekserýden ótip, emdelýde», dedi QazAqparat tilshisine Sh.Sársenǵalıev.
Aýdandyq bilim berý bóliminiń basshysy Eljas Qadyrov qazirgi kezde qyz balanyń ata-anasymen sóılesilip, mán-jaıdyń anyqtalyp jatqanyn jetkizdi.
Aıta keteıik, atalmysh másele áleýmettik jelide qyzý talqylanýda.
