BQO-da oqýshy bala ózine-ózi qol jumsady
ORAL. QazAqparat - 3 qańtarǵa qaraǵan túni Aqjaıyq aýdany ortalyǵy Chapaev aýylynda turǵan jasóspirim óz úıiniń aýlasynda asylyp qalǵan, dep habarlaıdy «QazAqparat» tilshisi.
Aýdandyq ishki ister bóliminen túsken aqparatqa qaraǵanda, sol kúni keshke balanyń ata-anasy qonaqqa ketken de, stýdent apasy úıde bolǵan. Іnisiniń asylyp qalǵanyn kórgen apasy sol boıda ata-anasyna habarlaǵan. Marqum sol aýyldaǵy №1 orta mekteptiń 10-synybynda oqyǵan, minezinde oǵash qylyq baıqalmaǵan.
Aıta keteıik, oblystyq ishki ister departamentiniń baspasóz qyzmetinen túsken málimetke qaraǵanda, ótken jyly óńirde barlyǵy 187 sýıtsıd oqıǵasy tirkelse, sonyń ishinde onnan astam jasóspirim óz ómirin qıdy.
