BQO-da oqýshy qyzdyń ózine qol jumsaýyna baılanysty tergeý júrgizilip jatyr

ORAL. KAZINFORM – Batys Qazaqstan oblysynda jasóspirimder arasyndaǵy sýıtsıd azaımaı tur. Kezekti qaıǵyly oqıǵa Aqjaıyq aýdanyndaǵy orta mektepterdiń birinde bolǵan. 

Oqýshy qyz saýalnamada sýıtsıdke barý yqtımaldylyǵyn kórsetken. Alaıda mektep psıhology bul derekti dırektorǵa jetkizbegen.

BQO prokýratýrasynyń baspasóz qyzmetinen málim etkenindeı, atalǵan derek boıynsha sotqa deıingi tergeý amaldary júrgizilip jatyr. Osy oqıǵaǵa baılanysty bilim berý mekemesiniń jaýapty qyzmetkerleriniń is-áreketine quqyqtyq baǵa beriledi. 

– Qazirgi kezde oqıǵanyń mán-jaıyn tolyq jáne obektıvti túrde anyqtaý maqsatynda qajetti tergeý amaldary júrgizilip jatyr. Tergeý múddesine sáıkes, sondaı-aq kámeletke tolmaǵandardyń quqyǵyn qorǵaý maqsatynda basqa aqparat jarııalaýǵa jatpaıdy, - dep habarlady vedomstvodan. 

Eske sala keteıik, budan buryn BQO-da bir oqýshynyń ekinshisine pyshaq suǵyp alǵanyn jazǵan bolatynbyz.