BQO-da «Ohotzooprom» basshysy qolastyndaǵy qyzmetkerden para alǵan

BATYS QAZAQSTAN OBLYSY. QazAqparat - Qazaqstan Respýblıkasy sybaılas jemqorlyqqa qarys is-qımyl agenttigi Batys Qazaqstan oblystyq departamenti «Ohotzooprom» RMQK Batys óńirlik bólimshesi basshysy mindetin atqarýshynyń para alý faktisin anyqtady, dep habarlaıdy QazAqparat vedomstvonyń baspasóz qyzmetine silteme jasap.

Ol qyzmettik kólikpen jol-kólk oqıǵasyn jasaǵan qolastyndaǵy qyzmetkerdi jumystan bosatpaý úshin para aldy degen kúdikke ilikti.

Kúdikti óz kinásin tolyqtaı moıyndaýyna baılanysty protsessýaldyq qamaýǵa alynbady.

Tergeý júrip jatyr. Kúdiktige qatysty sońǵy úkimdi sot shyǵarady.