BQO-da naızaǵaı oınap, jel kúsheıedi
ORAL. QazAqparat - Batys Qazaqstan oblysynda 3 maýsym kúni naızaǵaı oınap, jel kúsheıedi, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha keı jerlerde ońtústik-shyǵystan soltústik-batysqa aýysyp soǵatyn jeldiń jyldamdyǵy sekýndyna 15-20 metrge deıin jetýi yqtımal.
Sondaı-aq burshaq jaýýy múmkin.
Oral qalasynda da kúndiz naızaǵaı oınap, jeldiń ekpini sekýndyna 18 metrge jetpek.
Osyǵan baılanysty BQO TJ departamenti eskertý jarııalady.
Tótenshe jaǵdaılardy boldyrmaý maqsatynda tıisti sharalar qolǵa alynýda.
Oǵan qosa oblysta birneshe kúnnen beri aptap ystyq býyp tur. Soǵan oraı órt qaýpi de kúsheıdi.
