BQO-da mototsıkl mingen ákesi men 5 jasar bala kóz jumdy
ORAL. QazAqparat - Batys Qazaqstan oblysyndaǵy jol apatynan er adam men onyń bes jasar uly kóz jumdy, dep habarlaıdy QazAqparat tilshisi.
BQO Іshki ister departamentiniń baspasóz qyzmetinen túsken málimetke qaraǵanda, oqıǵa 15 qyrkúıek kúni saǵat 10.00 shamasynda Terekti aýdany Podstepnyı aýylynda bolǵan. «Ýral» mototsıkli men «Toyota Rav-4» avtokóligi túıisken.
Saldarynan mototsıkl júrgizýshisi men onyń uly Oral qalalyq kópbeıindi aýrýhanaǵa jetkizildi. Keıin olar jansaqtaý bóliminde qaıtys boldy.
Atalǵan derek boıynsha, Terekti aýdandyq ishki ister bólimi QR QK-niń 345-baby 3-bóligine sáıkes (jol qozǵalysy erejesin buzý) sotqa deıingi tergeý amaldaryn júrgizýde.
Eske sala keteıik, budan buryn oblysta jeńil avtokólik pen mototsık soqtyǵysyp, alty adamnyń jaraqat alǵanyn jazǵan bolatynbyz.
