BQO-da monopolııaǵa qarsy zańnamany buzǵany úshin «Aqjaiyq» ÁKK-ǵa aıyppul salyndy
ORAL. KAZINFORM – QR Básekelestikti qorǵaý jáne damytý agenttiginiń BQO boıynsha departamenti birinshi toqsannyń qorytyndysy boıynsha «Aqjaiyq» ÁKK» AQ-na qatysty bir tergep-tekserý júrgizdi.
Departament basshysy Salaýat Ýahıtovtyń óńirlik kommýnıkatsııalar qyzmeti alańynda ótken brıfıngte málim etkenindeı, tergep-tekserý nátıjeleri boıynsha atalmysh mekeme tarapynan QR Kásipkerlik kodeksiniń 194-baby 2-tarmaǵynyń 9) tarmaqshasynda kózdelgen monopolııaǵa qarsy zańnamany buzý faktileri anyqtaldy.
Salaýat Dáýitulynyń sózine qaraǵanda, QR Ákimshilik quqyq buzýshylyq týraly kodeksiniń 163-baby 1-bóligine sáıkes hattama toltyrylyp, laýazymdy tulǵaǵa 589 800 teńge mólsherinde qysqartylǵan tártippen ákimshilik aıyppul salyndy.
– Sonymen qatar tergep-tekserý nátıjesi boıynsha Qazaqstan Respýblıkasynyń básekelestikti qorǵaý salasyndaǵy zańnamasyn buzýshylyqtardy joıý týraly atalǵan mekemege nusqama joldandy, - dedi S.Ýahıtov.
Onyń aıtýynsha, bıylǵy úsh aıda departament taýar naryqtaryndaǵy básekelestik jaǵdaıyna janar-jaǵar maı materıaldaryn kóterme jáne bólshek satý, nan óndirý jáne satý, avıaotyndy kóterme jáne bólshek satý, taýyq etin óndirý jáne kóterme satý boıynsha bes taldaý júrgizgen. Taldaý nátıjesi boıynsha naryqtardy demonopolızatsııalaý jóninde tıisti usynymdar berildi.
Sol sekildi «Jumsaq quqyq» tetigin qoldaný aıasynda, kásipkerlik qyzmetke aralasýdan aýlaq bola otyryp, jyl basynan beri lıft kompanııalary — «VTL Plıýs» JShS, «Komfort Servıs Plıýs» JShS, «Metakom Komfort Plıýs» JShS-ǵa QR KK 174-babynyń 2) jáne 11) tarmaqshalaryna sáıkes domofon kiltterin satý kezinde ár túrli baǵa qoldanǵany úshin 3 habarlama joldandy. Búgingi tańda barlyq habarlama tolyq kólemde oryndaldy.
– Oǵan qosa bıylǵy birinshi toqsanda monıtorıng nátıjesinde básekelestikti qorǵaý salasyndaǵy Qazaqstan Respýblıkasy zańnamasyna sáıkes kelmeıtin nemese antımonopolııalyq organmen kelisilmegen qyzmet túrlerin júzege asyrǵan 3 kvazımemlekettik sektor sýbektisi anyqtaldy. Osyǵan baılanysty 3 memlekettik kásiporynǵa QR básekelestikti qorǵaý salasyndaǵy zańnamasyn buzýshylyqtardy joıý týraly nusqamalar engizildi. Bul nusqamalar qazirgi ýaqytta oryndalý satysynda, - dedi departament basshysy.
Eske sala keteıik, budan buryn Oralda quny 5,3 astam teńgege baǵalanǵan eki konkýrstyń kúshi joıylǵanyn jazǵan bolatynbyz.