BQO-da MI-8 tikushaǵynyń apatqa ushyraýyna baılanysty is sotta qaralyp jatyr
ORAL. KAZINFORM — Batys Qazaqstan oblysynda budan 3,5 jyl jarym bolǵan MI-8 tikushaǵynyń apatyna baılanysty qylmystyq is Báıterek aýdandyq № 2 sotynda qaralyp jatyr.
Apat Batys Qazaqstan oblysy aýmaǵynda 2023 jyly 23 aqpan kúni boldy.
Tiushaq «QazTransOıl» AQ ótinishi boıynsha Atyraýdan ushyp shyǵyp, Oralǵa baǵyt alǵan. Bortta alty adam — ekıpajdyń bes múshesi jáne «QazTransOıl» AQ-nyń bir ókili bolǵan.
Qaıǵyly oqıǵa saldarynan ekıpajdyń tórt múshesi qaza taýyp, eki adam jaraqat aldy.
— Qazirgi kezde QR Qylmystyq kodeksiniń 344-babyna (temirjol, áýe, teńiz nemese ózen kóligi júrisi nemese olardy paıdalaný qaýipsizdigi qaǵıdalaryn buzý) sáıkes is sotta qaralyp jatyr, — dep málimdedi Báıterek aýdandyq № 2 soty.
Kýágerler shaqyrtylyp, jaýap alynyp jatyr.
Eske sala keteıik, budan buryn Oralda apatqa ushyraǵan MI-8 tikushaǵy týraly ne biletinimiz jóninde jazǵan edik.
