BQO-da Memlekettik rámizder kúnine oraı Tý kóterý rásimi ótti
ORAL. KAZINFORM — Oral qalasyndaǵy Tuńǵysh Prezıdent atyndaǵy alańda Memlekettik rámizder kúnine oraı Tý kóterý rásimi ótti. Saltanatty sharaǵa oblys ákimi Narıman Tóreǵalıev qatysyp, óńir turǵyndary men qonaqtaryn taǵylymy mol merekemen quttyqtady.
— Prezıdent Qasym-Jomart Toqaev atap ótkendeı, Memlekettik rámizder — eldigimizdiń jarqyn kórinisi, halqymyzdyń maqtanyshy ári abyroıy. Tuǵyrly Týymyz, eńseli Eltańbamyz, aıbarly Ánuranymyz — memleketimizdiń myzǵymas úshtaǵany. Táýelsizdigimizdiń sımvoly sanalatyn nyshandardy ardaqtaý — árbir qazaqstandyqtyń qasterli mindeti. Qundylyqtardy kózdiń qarashyǵyndaı saqtap, jas urpaqqa rýhanı-patrıottyq tárbıe berip, keleshekte de el ıgiligi jolynda judyryqtaı jumylaıyq, — dedi oblys ákimi.
Merekelik sharaǵa 2 myńǵa jýyq adam qatysty. Patrıottyq ánder áýelep, Memlekettik tý kóterildi. Aımaq basshysy óńirdiń ósip-órkendeýi jolynda eńbek etip júrgen bir top azamatqa alǵys hat tabystady.
Aıta keteıik, Memlekettik tý kóterý rásimderi óńirdiń barlyq aýdanynda uıymdastyryldy.
