BQO-da Memlekettik kiris departamentiniń basqarma basshysy paramen ustaldy
ASTANA. KAZINFORM — UQK Cybaılas jemqorlyqqa qarsy qyzmeti memlekettik shekara arqyly taýardy zańsyz ımporttaý arnasynyń jolyn kesti. Bul týraly quqyq qorǵaý organynyń baspasóz qyzmeti málim etti.
Sottyń sanktsııasymen Batys Qazaqstan oblysy Memlekettik kiris departamentiniń basqarma basshylarynyń biri men elorda turǵyny ustalyp, qamaýǵa alyndy.
— Kórsetilgen tulǵalar aqshalaı syıaqyǵa elge halyq tutynatyn taýarlardy kedergisiz ákelý úshin sheteldik azamattarǵa kómek kórsetken. Olardyń 100 mln teńgeden astam para alǵany protsestik turǵyda qujatta kórsetilgen, — delingen habarlamada.
Aldyn ala esep boıynsha memleketke keltirilgen shyǵyn 1,9 mlrd teńgeni qurady.
Qylmystyq-protsestik kodekstiń 201-babyna sáıkes ózge aqparat jarııa etýge jatpaıdy.
Buǵan deıin Byltyr Qazaqstanda 20 qylmystyq toptyń áreketi toqtatylǵanyn jazǵan edik.