BQO-da memleketke 56 mln teńgeden astam zalal keltirgen memqyzmetshi sottaldy

ORAL. KAZINFORM – Syrym aýdany prokýratýrasynyń tekserýi nátıjesinde aýdandyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bólimi burynǵy basshysynyń jol qurylysy kezinde zańbuzýshylyqtarǵa jol bergeni anyqtaldy. 

BQO prokýratýrasynyń baspasóz qyzmetinen málim etkenindeı, burynǵy bólim basshysy qyzmettik ókilettigin teris paıdalanyp, zańsyz áreketterge barǵan. Tergeý barysynda sonyń saldarynan memleketke 56 mln astam teńge kóleminde zalal keltirilgeni dáleldendi.

– Syrym aýdandyq soty burynǵy bólim basshysyn kináli dep tanyp, oǵan 3 jyl 6 aı merzimge bas bostandyǵyn shekteý jazasyn taǵaıyndady. Sot úkimi zańdy kúshine endi, - dep habarlady vedomstvodan. 

Eske sala keteıik, budan buryn Oralda júrgizýshilik quqyǵynan aıyrylsa da, rýlge otyrǵan muǵalim áıelge aıyppul salynǵanyn jazǵan edik. 

Sondaı-aq Qazaqstanda alǵash ret jazanyń jańa túri BQO-da qoldanyldy.