BQO-da mektepterge Baýyrjan Momyshuly men Qadyr Myrza Áliniń esimi berilmek

NUR-SULTAN. QazAqparat – Batys Qazaqstan oblysyndaǵy jalpy orta bilim berý jáne sport mektepteri men mádenıet úıine qazaqtyń tanymal tulǵalarynyń esimi berilmek. Úkimettiń tıisti qaýlysy «Ashyq» NQA saıtynda talqylaýǵa shyǵaryldy, dep habarlaıdy QazAqparat tilshisi.

«Syrym aýdandyq «Balalar mýzyka mektebine» Amangeldi Ǵubaıdýllınniń, Oral qalasyndaǵy №46 orta mektebine Baýyrjan Momyshulynyń, №47 mektebine Qadyr Myrza Áliniń, Syrym aýdanynyń balalar-jasóspirimder sport mektebine Asqar Shaıhıevtiń, Qaratóbe aýdandyq mádenıet úıine Ǵarıfolla Qurmanǵalıevtiń, Qaratóbe aýdandyq mektep-gımnazııasyna Qajym Jumalıevtiń esimi berilsin», - delingen qaýlyda .

Aıta keteıik, apta basynda elorda kóshelerine Sherhan Murtaza, Quman Tastanbekov pen Aqseleý Seıdimbektiń esimi beriletini týraly habarlaǵan edik .