BQO-da mektepte aqsha bopsalaý derekteri anyqtaldy

ORAL. QazAqparat - Jánibek aýdany prokýratýrasy barlyq bilim ordasy oqýshylary arasynda júrgizgen saýalnama nátıjesinde T.Jarokov, Ǵ.Abdýllın atyndaǵy, №1 jáne Uzynkól orta mektepterinde aqsha bopsalaý derekteri anyqtaldy, habarlaıdy «QazAqparat» HAA tilshisi.

BQO prokýratýrasynyń baspasóz qyzmetinen túsken málimetke qaraǵanda, kámeletke tolmaǵandar arasynda zorlyq-zombylyq pen ózine-ózi qol jumsaýǵa deıingi jaǵdaıǵa jol bermeý úshin aqparattyq hat aýdandyq ishki ister bólimine jiberilgen.

Tekserý nátıjesinde Ǵ.Abdýllın atyndaǵy orta mektep ǵımaratynda 7 oqýshyǵa qatysty aqsha bopsalaý deregi belgili bolyp, joly kesilgen. Mundaı qadamǵa barǵan jasóspirim aqtalmaıtyn negizde qylmystyq jaýapkershilikten bosatylǵan. Esesine onyń ata-anasy QR Ákimshilik quqyqbuzýshylyq kodeksi 127-babyna sáıkes ákimshilik jaýapershilikke tartyldy. Oǵan qosa aýdan prokýratýrasynyń usynysyna sáıkes atalmysh mekteptiń dırektor bastaǵan alty birdeı pedagogıkalyq qyzmetkerine qatysty túrli tártiptik shara qoldanyldy.