BQO-da mektep bitirgen taǵy bir túlek sýǵa batyp ketti
ORAL. QazAqparat - Keshe saǵat 18.10 shamasynda Aqjaıyq aýdany ortalyǵy Chapaev aýyly tusynda Jaıyq ózenine 1999 jylǵy N. degen turǵyn batyp ketti, dep habarlaıdy «QazAqparat» tilshisi.
Aýdandyq tótenshe jaǵdaılar bóliminen túsken málimetke qaraǵanda, bıyl ǵana orta mektepti bitirgen marqum dostarymen birge sýǵa shomylýǵa barǵan. Qazirgi tańda onyń denesi izdestirilýde.
Aıta keteıik, bıyl osymen úshinshi mektep túlegi sýǵa ketip otyr. Budan buryn Jánibek pen Bókeı ordasy aýdandarynan Oralǵa oqýǵa túsemin dep kelgen qyz ben bozbala kútpegen jerde qazaǵa ushyraǵan bolatyn.
