BQO-da jedel járdem qyzmetkerlerine 4 medıtsınalyq kóliktiń kilti tabystaldy
Prezıdent Qasym-Jomart Toqaev Qazaqstan halqyna arnaǵan Joldaýynda ult densaýlyǵy jaqsy bolsa, qoǵamnyń ornyqty damıtynyn baıandap, medıtsına salasynda qordalanǵan máselelerdi sheshýge asa mán bergen edi. Osyǵan oraı densaýlyq saqtaý salasyna bólinetin qarajat jyldan-jylǵa kóbeıip keledi. Aýyldardaǵy medıtsınalyq mekemelerdi materıaldyq-tehnıkalyq jaǵynan barynsha jabdyqtaý, shalǵaıdaǵy eldi mekenderdiń turǵyndaryna medıtsınalyq kómektiń qoljetimdiligin arttyrý maqsatynda Syrym aýdanyna 4 sanıtarlyq avtokólik alyndy, dep habarlaıdy Kazinform.
Syrym aýdanynyń ákimi Jumageldi Batyrnııazov 4 avtokóliktiń ekeýin aýdandyq aýrýhanaǵa jáne Alǵabas, Eltaı aýyldyq okrýgterine medıtsına kóliginiń kiltin tabys etti.
- Bıylǵy 2024 jylymyzdy ıgi istermen bastaǵaly otyrmyz. Aýdanymyzdyń densaýlyq salasynyń materıaldyq-tehnıkalyq bazasyn jańartý maqsatynda jańadan jedel járdem avtokólikterin tabystamaqpyz. Aýdanymyzda barlyǵy 18 jedel járdem avtokóligi bolsa, sonyń 90%-ynyń tozyǵy jetken. «Sobol» markaly jedel járdem avtokólikteri jol talǵamaıdy, ishi alǵashqy kómek kórsetýge arnalǵan zamanýı medıtsınalyq qural-jabdyqtarmen jabdyqtalǵan. Bul qyzmet kórsetý sapasyn aıtarlyqtaı jaqsartady. Zamanaýı medıtsınalyq quraldarmen jabdyqtalǵan jedel járdem avtokólikteri aýyr haldegi naýqastardy aýdan ortalyǵyna jetkizýge kóp kómegin tıgizedi. Paıdalanýǵa berilgeli turǵan avtokólikter el ıgiligine qyzmet etip, aýdan turǵyndaryna sapaly medıtsınalyq qyzmetter kórsete bersin. Aýdanymyzdaǵy sedıtsına salasynyń qyzmetkerlerin búgingi jańa jedel járdem avtokóliginiń tabystalýymen quttyqtaımyn. Aldaǵy jumystarynńyzǵa sáttilik tileımin!, - dedi aýdan ákimi Jumageldi Joldybaıuly.
