BQO-da medıtsına qyzmetkerleriniń biri koronavırýstan jazylyp shyqty
ORAL. QazAqparat – Batys Qazaqstan oblysynda taǵy eki turǵyn koronavırýstan jazylyp shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, olardyń bireýi – medıtsına qyzmetkeri.
Ekinshisi – Báıterek aýdany Peremetnyı aýylynyń turǵyny. Bul áıel Máskeýden kelgen kezde aýrý juqtyrǵany anyqtalǵan bolatyn.
«Ekeýiniń de baqylaý synamalary teris nátıje kórsetti. Jaǵdaılary qanaǵattanarlyq. Aýrýhanada qalǵan 117 naýqas emderin jalǵastyrýda. Olardyń jaǵdaıy ártúrli, bireýlerinde aýrý jeńil ótip jatsa, qalǵandaryniki ortasha aýyr halde. Sonyń ishinde budan buryn jansaqtaý bóliminde bolǵan áıeldiń jaǵdaıy jaqsaryp, bólimshege shyǵaryldy», dedi N.Ahmetova.
Osylaısha Batys Qazaqstanda emdelip shyqqandar sany 9-ǵa jetti.
Eske sala keteıik, budan buryn BQO-da bir kúnde 2 medıtsına qyzmetkerinen, sondaı-aq Atyraýdan kelgen jumysshydan koronavırýs tabylǵanyn jazǵan bolatynbyz.
Óńirde aýyrǵandar sany 126-ǵa jetse, sonyń 12-si – medıtsına qyzmetkerleri.
