BQO-da medıtsına qyzmetkerlerin koronavırýsqa qarsy ekinshi qaıtara egý bastaldy
ORAL. QazAqparat – Batys Qazaqstan oblysynda medıtsına qyzmetkerlerin koronavırýsqa qarsy ekinshi qaıtara egý bastaldy, dep habarlaıdy QazAqparat tilshisi.
BQO densaýlyq saqtaý basqarmasynyń basshysy mindetin atqarýshy Arman Qalıbekovtiń málim etkenindeı, óńirge 1 myń doza vaktsına ákelindi.
Onyń aıtýynsha, 1 aqpannan bastap egilgen medıtsına qyzmetkerleri ekinshi ret ekpe alatyn bolady. Olardyń qatarynda juqpaly aýrýlar statsıonarlary, aýrýhanalardyń qabyldaý jáne jansaqtaý bólimsheleri jáne jedel járdem stansasynyń qyzmetkerleri bar.
Arman Talǵatulynyń sózine qaraǵanda, alǵashqy kezeńde ózin álsiz sezingen, qyzýy bar adamdar egilgen joq. Al ekpeden ótkender arasynda asqyný bolǵan joq.
«Oblysta medıtsına qyzmetkerlerin ekpemen barynsha qamtý kózdelýde. Ótken jyly olardyń arasynda koronavırýspen aýyrǵandar az bolǵan joq. Aýyr túrimen aýyrǵandar jarty jyldan keıin, jeńil syrqattanǵandar bir-eki aıdan soń egile alady. Jýyrda taǵy 1250 doza vaktsına jetkizilmekshi. Naýryz aıynda medıtsına qyzmetkerlerine qosa pedagogtar da egile bastaıdy», dedi A.Qalıbekov.
Eske sala keteıik, budan buryn Batys Qazaqstanda 1 myń adamǵa ekpe salynǵanyn, sońǵy tórt kúnde 248 adamnan koronavırýs anyqtalǵanyn jazǵan bolatynbyz.
