BQO-da medbıke vaktsınatsııa pasportynyń zańsyz berilip kelgenin aıtyp shaǵymdandy

ORAL. QazAqparat - Batys Qazaqstan oblysynda medbıke vaktsınatsııa qujattarynyń zańsyz berilip otyrǵanyna shaǵymdandy, dep habarlaıdy QazAqparat tilshisi.

Belgili bolǵandaı, Báıterek aýdany 2-aýrýhanasynyń medbıkesi Janargúl Kalashnıkova QR Memlekettik qyzmet isteri agenttiginiń tóraǵasy Darhan Jazyqbaevtyń atyna hat jazyp, atalmysh mekemede zańsyzdyqqa jol berilgenin málimdegen.

Osyǵan baılanysty BQO densaýlyq saqtaý basqarmasy túsinik berdi.

Basqarma málimetine qaraǵanda, medbıke aýrýhana dırektory orynbasarynyń birjaqty kózqarasyna shaǵymdanǵan.

«Medbıke hatynda atalǵan mekeme dırektorynyń orynbasary vaktsınatsııa qujattaryn zańsyz berip otyrǵany, naýqastardy aqyly qabyldaý derekteriniń bolǵany jóninde aıtady. Ótken aptada aýrýhanaǵa densaýlyq saqtaý basqarmasynyń komıssııasy jiberildi. Janjalǵa qatysty eki taraptyń da pikiri tyńdalyp, túsinikteme alyndy. Quqyqtyq baǵa berý úshin BQO densaýlyq saqtaý basqarmasynyń basshylyǵy QR Sybaılas jemqorlyqqa qarsy is-qımyl agenttigi departamentine jáne polıtsııa departamentine aryz jazý jóninde sheshim qabyldady. Tıisti tekserý aıaqtalyp, atalǵan derek boıynsha sheshim qabyldanǵannan keıin resmı málimet beriledi» dep habarlady vedomstvodan.

QR Memlekettik qyzmet isteri agenttiginiń BQO boıynsha departamenti aýrýhana dırektorynyń orynbasary memlekettik qyzmetshi bolmaǵandyqtan, buǵan qatysty is qaralmaıtynyn jetkizdi.