BQO-da maýsym aıynda 1300-den astam adam koronavırýs juqtyrǵan
BQO sanıtarlyq-epıdemıologııalyq baqylaý departamenti basshysynyń orynbasary Nurlybek Mustaevtyń óńirlik kommýnıkatsııalar qyzmeti alańynda málim etkenindeı, sonyń 60 paıyzy (789) JRVI belgileri boıynsha tekserilgen.
Sondaı-aq 29,3 paıyzy (385) buryn aýyrǵandarmen jaqyn qarym-qatynasta bolǵan. 127 adamnan (9,6 paıyz) profılaktıkalyq maqsatta, 12-sinen (0,9 paıyz) statsıonarǵa jatqyzar aldynda synama alynǵan.
Nurlybek Ermekulynyń sózine qaraǵanda, sońǵy aptada (11-17 maýsym) aldyńǵymen (4-10 maýsym) salystyrǵanda, aýrý juqtyrý kórsetkishi 10,5 paıyzǵa (548-den 490-ǵa) tómendedi.
Maýsymnyń 1-inen beri zerthanalarda 35764 PTR test zertteýi (orta eseppen kúnine 2103) júrgizildi.
Infektsııa kózderiniń 35,5 paıyzy (467) qoǵamdyq kólikterde, 33,9 paıyzy (433) adamdar kóp jınalatyn oryndarda, 28,7 paıyzy (374) úı oshaǵynda, 2,1 paıyzy (28) eske alý, úılený, basqa toılarǵa qatysý kezinde, 0,8 paıyzy (11) jumys ornynda anyqtalyp otyr.
Óńirde indet bastalǵannan beri 23871, sońǵy táýlikte 71 adamnan koronavırýs tabyldy.
«Oblys boıynsha barlyǵy 505 nysan «Ashyq« qosymshasymen jumys isteıdi. 1 maýsymnan beri «Ashyq« jobasyna qatysatyn nysandarǵa úılerinde oqshaýlanýǵa tıis qyzyl nemese sary mártebesi 91 adamnyń kelgeni anyqtaldy. Sonyń ishinde Oralda qyzyl mártebesimen 40, sarymen 36, Aqsaı qalasynda qyzylmen 4, sarymen 3, Báıterek aýdanynda sarymen 2, Tasqalada sarymen 3, Kaztalovta sarymen 2, Terektide sarymen 1 adamnyń júrgeni belgili boldy», dedi N.Mustaev.
Eske sala keteıik, budan buryn Batys Qazaqstanda 62 myńnan astam doza reseılik vaktsınanyń jetkizilgenin jazǵan bolatynbyz.