BQO-da mas júrgizýshi aıdaǵan avtokólik aýdarylyp, úsh adam zardap shekti
ORAL. QazAqparat – Batys Qazaqstan oblysynda mas júrgizýshi aıdaǵan avtokólik aýdarylyp, úsh adam zardap shekti, dep habarlaıdy QazAqparat tilshisi.
BQO polıtsııa departamentiniń baspasóz qyzmetinen túsken málimetke qaraǵanda, oqıǵa 14 naýryz kúni saǵat 12.30 shamasynda Oral-Kırsanov joly boıynda boldy.
1986 jylǵy júrgizýshi «Shevrolet Nıva» kóliginiń aýdarylýyna jol bergen.
Sonyń saldarynan júrgizýshige qosa avtokólikte otyrǵan 1968 jáne 1978 jylǵy áıelder jaraqat alǵan.
Aldyn ala málimet boıynsha áıeldiń biriniń mıyna, ekinshisiniń ish qurylysyna zaqym kelgen. Olar Oral qalalyq kópbeıindi aýrýhanasyna jiberildi.
Al mas kúıinde bolǵan júrgizýshi Báıterek aýdany Darııan aýylyndaǵy aýdandyq aýrýhanaǵa jatqyzyldy.
Avtokólik arnaıy turaqqa qoıyldy.
Qazirgi kezde Prıýral polıtsııa bólimi osy oqıǵaǵa baılanysty QR QK 345-baby 1-bóligine sáıkes tergeý amaldaryn júrgizýde.
