BQO-da mas kúıinde avtokólik aıdaǵan polıtsııa maıory qyzmetinen qýyldy

ORAL. KAZINFORM – Oral qalasy polıtsııa basqarmasynyń qyzmetkeri, polıtsııa maıory qyzmetimen qosh aıtysty.

Atalǵan qyzmetkerdiń mas kúıinde avtokólik rýline otyrǵany BQO polıtsııa departamenti júrgizgen reıdtik is-sharalar barysynda anyqtalǵan.

BQO polıtsııa departamentiniń baspasóz qyzmetinen málim etkenindeı, qyzmetker teris sebepter boıynsha laýazymynan bosatyldy. 

— Batys Qazaqstan oblysynyń polıtsııa departamenti bul oraıda qatań qaǵıdany ustanady. Polıtsııada tártip pen zańdy buzýǵa jol berilmeıdi. Mundaı áreketterge barǵandar qatań jáne sózsiz jazalanady, — dep habarlady vedomstvodan.

Eske sala keteıik, budan buryn BQO-da kólikti mas kúıinde júrgizgen polıtsııa qyzmetkeriniń júrgizýshilik quqyǵynan aıyrylǵanyn jazǵan edik. 

QR Ákimshilik quqyq buzýshylyq týraly kodeksiniń 608-baby 1-bóligine (mas kúıinde kólik júrgizý) jáne 613-baby 1-bóligine (polıtsııa qyzmetkerleriniń toqtaý talabyn oryndamaý) sáıkes kináli dep tanylǵan polıtsııa qyzmetkeri 7 jyl merzimge kólik júrgizý quqyǵynan aıyryldy. Oǵan qosa 157 280 teńge kóleminde aıyppul salyndy.