BQO-da mas kúıinde polıtsııa qyzmetkerine kúsh kórsetip, til tıgizgender tergelýde
ORAL. QazAqparat – Batys Qazaqstan oblysynda mas kúıinde polıtsııa qyzmetkerine kúsh kórsetip, til tıgizgender tergelýde, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa Qaztalov aýdany Nursaı aýylynda oryn aldy.
Esh jerde jumys jasamaıtyn 31 jastaǵy turǵyn Jánibek- Qaztalov joly boıynda medıtsınalyq kýálandyrýǵa jetkizý kezinde qyzmettik mindetin atqaryp júrgen ýchaskelik
polıtsııa ınspektorynyń kómekshisi, polıtsııa kapıtanyna kúsh qoldanǵan.
Sot-medıtsınalyq saraptamaǵa sáıkes ol orta dárejeli mas kúıinde bolǵan.
Qazirgi kezde osy oqıǵa boıynsha QR QK 380-baby 1-bólimine (bılik ókiline qatysty kúsh qoldaný) sotqa deıingi tergeý amaldary júrgizilýde.
Bul bap boıynsha aıypty dep tanylǵan adam úsh myń aılyq eseptik kórsetkishke deıingi mólsherde aıyppul salýǵa ne sol mólsherde túzeý jumystaryna ne segiz júz saǵatqa
deıingi merzimge qoǵamdyq jumystarǵa tartýǵa ne úsh jylǵa deıingi merzimge bas bostandyǵyn shekteýge ne sol merzimge bas bostandyǵynan aıyrýǵa jazalanady.
Sondaı-aq Báıterek aýdany Beles aýylynda turatyn, jumys jasamaıtyn 31 jastaǵy azamat BQO ýaqytsha emdeý ızolıatory ǵımaraty mańynda mas kúıinde patrýldik
polıtsııa batalonynyń ınspektory, polıtsııa kapıtanyn balaǵattap, til tıgizgen.
Bul oqıǵa boıynsha QR QK 378-baby 1-bólimine (bılik ókilin qorlaý) sáıkes tergeý júrgizilýde.
Eske sala keteıik, budan buryn Oradda polıtsııaǵa para bermek bolǵan sheteldik azamattyń ustalǵanyn jazǵan edik.
