BQO-da malshyny óltirgen qojalyq basshysy 11 jylǵa sottaldy
ORAL. QazAqparat - Batys Qazaqstan oblysynda malshyny óltirgen qojalyq basshysy 11 jylǵa sottaldy, dep habarlaıdy QazAqparat tilshisi.
Qandy oqıǵa ótken jylǵy jeltoqsanda Syrym aýdany Alǵabas aýyldyq okrýginde oryn aldy.
Sot talqysynda belgili bolǵanyndaı, 35 jasar Hamıt Kenjebekov bos turǵan saraıǵa mal qamaǵan. Keıin sharýa qojalyǵynyń basshysy, 47 jastaǵy Syrymbet Sadyqov aýyldasyna saraıdyń ózine tıesili ekendigin aıtyp, ekeýiniń arasynda talas týyndaǵan. Budan keıin Sadyqov Kenjebekovke eshkim kesel keltirmes úshin aýyldan aýlaq shyǵyp, áńgimelesýdi usynǵan, buǵan jábirlenýshi kelisken. Mashınadan shyqqannan keıin sottalýshy ańshy myltyǵyn alyp, Kenjebekovtiń keýdesinen atqan. Marqum oqıǵa ornynda kóz jumǵan. Sodan keıin Sadyqov bolǵan oqıǵany ishki ister organyna ózi habarlaǵan.
BQO qylmystyq ister jónindegi mamandandyrylǵan aýdanaralyq sotynyń úkimimen S.Sadyqov QR QK 99-baby 1-bóligine sáıkes (kisi óltirý) aıypty dep tanylyp, 11 jylǵa bas bostandyǵynan aıyrý jazasyn qaýipsizdigi barynsha joǵary qylmystyq-atqarý júıesi mekemesinde óteýge sottaldy. Sonymen qatar ol 3 mln teńge moraldyq zalaldy óteıdi.
Sot úkimi zańdy kúshine engen joq.
Foto: yakutsk.news
