BQO-da malyn qaraýsyz jaıylymǵa jibergen myńǵa jýyq turǵyn jaýapqa tartyldy

BQO polıtsııa departamentiniń baspasóz qyzmetinen málim etkenindeı, bıylǵy úsh aıda 1 027 bas mal (ótken jyly – 7 myńnan astam) qamaldy. 

Malyn qaraýsyz jaıylymǵa jibergen 958 turǵyn (ótken jyly – 4 myńǵa jýyq) QR Ákimshilik quqyq buzýshylyq kodeksiniń 408-babyna sáıkes jaýapqa tartyldy. 

Óńirde baǵymsyz júrgen aýyl sharýashylyǵy janýarlaryn qamaıtyn ýaqytsha mal aýlalarynyń jetispeýshiligi jáne kerekti jabdyqtarmen qamtamasyz etilmeýi negizgi máselelerdiń biri bolyp otyr. 

Maldyń dalada qaraýsyz jaıylyp júrýi – urlyqtyń basty sebebi. Ótken jyly 79 mal urlyǵy deregi tirkelse, sonyń 96 paıyzy (76) daladan, 4 paıyzy (3) qoradan ketken. Bıyl da 16 mal urlyǵynyń 14-i erkin jaıylymnyń úlesine tıedi. 

Maldyń baǵymsyz júrgeni tek urlyq qana emes, ol jol-kólik oqıǵalaryna da ákelip soqtyrady.

Ótken jyly maldyń kesirinen 193 jol-kólik oqıǵasy bolyp, saldarynan 1 adam qaza tapty, 32-si jaraqat aldy. Bıyl jyl basynan beri úı janýarlarynyń qatysýymen 18 (ótken jyly osy merzimde – 25) oqıǵa tirkeldi.

- Mal urlyǵy boıynsha eń ózekti másele turǵyndardyń ózderine tıesili úı janýarlaryn uıymdastyrylǵan baǵymǵa qospaýy, ýaqtyly qaramaýy bolyp otyr. ıAǵnı kóktemde dalaǵa shyǵaryp, tek kúzde túgendeý kezinde maldyń joqtyǵyn anyqtap, polıtsııaǵa aryzdanady.

Sondyqtan maldy mindetti túrde syrǵalaý jáne tańbalaý, baqtashy alý, múmkindigine qaraı jylqy malyna GPS-trekkerlerin taǵý jáne basqa da tásilderdi qarastyrý mańyzdy, - dep habarlady vedomstvodan.

Departament derekterine qaraǵanda, qabyldanyp jatqan is-sharalardyń nátıjesinde bıylǵy 3 aıdyń qorytyndysy boıynsha mal urlyǵynyń tirkelýi ótken jyldyń osy kezeńimen salystyrǵanda, 5,9 paıyzǵa tómendedi, jalpy ashý deńgeıi – 100 paıyz. 

Eske sala keteıik, budan buryn Oralda bopsalaý jáne tonaýmen aınalysqan qylmystyq top quryqtalǵanyn jazǵan bolatynbyz.