BQO-da mal urlyǵy máselesi ótkir kúıinde qalyp otyr
ORAL. QazAqparat - Batys Qazaqstan oblysynda mal urlyǵy ótkir kúıinde qalyp otyr, dep habarlaıdy «QazAqparat» tilshisi.
BQO ІІD jergilikti polıtsııa qyzmetiniń bastyǵy, polıtsııa polkovnıgi Manarbek Ǵabdýllınniń aıtýynsha, bul saladaǵy qylmys aldyńǵy jylǵa qaraǵanda, ótken jyly azaıǵanymen, óńirde 458 mal urlyǵy tirkeldi.
Sonyń 70 paıyzdan astamynda erkin jaıylymda júrgen mal qoldy bolǵan. Turǵyndarǵa barlyǵy 178,216 mln teńge zalal keltirilse, sonyń 92,730 mln teńgesi mal ıelerine qaıtarylǵan. Mal urlyǵy, ásirese, Terekti, Syrym, Aqjaıyq, Zelenov jáne Qaztalov aýdandarynda beleń alyp tur.
Mal urlyǵy bıylǵy jyl basynan beri de tirkele bastady. BQO ІІD baspasóz qyzmetinen túsken málimetke qaraǵanda, 4 qańtar kúni Terekti aýdany Aqjaıyq aýylynda belgisiz bireý qoradan 7 bas ýaq jandyqty qymqyryp ketken.
Іzdestirý sharalary barysynda 13 qańtar kúni F. degen kúdikti ustaldy.
Bul oqıǵa boıynsha QR QK 188-babyna sáıkes (urlyq) qylmystyq is qozǵalyp, tergeý amaldary júrgizilýde. F-nyń basqa da qylmystarǵa qatystylyǵy tekserilýde.
