BQO-da mal urlyǵynyń birneshe deregi ashyldy

Shyńǵyrlaý aýdanynda polıtsııa qyzmetkerleri mal urlyǵynyń birneshe deregin ashty. Jedel-izdestirý is-sharalary barysynda eki adamnyń mal urlyǵynyń toǵyz deregine qatysy bar ekeni anyqtaldy. Aldyn ala málimet boıynsha, kúdiktiler birneshe aı ishinde bes iri qara men alty jylqyny urlaǵan. 

Olardyń arasynda erkin jaıylymda júrgen mal da bar. Keltirilgen materıaldyq shyǵynnyń jalpy kólemi 5 mln 460 myń teńgeni qurady. Qazirgi ýaqytta kúdiktiler ustaldy.

Sottyń sanktsııasymen eki azamatqa da «qamaýǵa alý» túrindegi bultartpaý sharasy qoldanyldy. Polıtsııa qyzmetkerleri ustalǵandardyń mal urlyǵynyń basqa da derekterine qatystylyǵyn anyqtaýǵa baǵyttalǵan jedel-tergeý is-sharalaryn jalǵastyrýda.

Sonymen qatar urlanǵan maldy izdestirý boıynsha tıisti sharalar qabyldanyp jatyr. Qazaqstan Respýblıkasy Qylmystyq-protsestik kodeksiniń 201-babyna sáıkes, sotqa deıingi tergep-tekserý derekteri jarııa etýge jatpaıdy.