BQO-da mal izdeýge shyqqan jasóspirim adasyp ketti
ORAL. QazAqparat – Batys Qazaqstan oblysynda mal izdeýge shyqqan jasóspirim adasyp ketti, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa Aqjaıyq aýdany Qýraılysaı aýyldyq okrýginde boldy.
25 naýryz kúni saǵat 11.00-de Átibek eldi mekeniniń turǵyndary 2004 jylǵy jasóspirim men 1972 jylǵy er adam attarymen mal izdeýge eki baǵytqa shyqqan.
Búgin saǵat 01.20-da jasóspirimniń úıine oralmaǵany jóninde habar túsken.
Jedel qutqarý jasaǵynan 6 adam «Trekol» tehnıkasymen shuǵyl jolǵa shyqty. Qutqarýshylardyń kómegimen saǵat 13.31-de atalǵan jasóspirim Ájibaı qystaǵynan aman-esen tabyldy. Ol medıtsınalyq kómekti qajetsingen joq.
Eske sala keteıik, budan buryn Batys Qazaqstanda sý shaıyp ketken oblystyq jol jabylǵanyn jazǵan bolatynbyz.
