BQO-da mal izdeýge shyqqan turǵyndar adasyp ketti
ORAL. QazAqparat - Syrym aýdanynda mal izdeýge shyqqan qos turǵyn adasyp ketti, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe Qosoba aýyldyq okrýgine qarasty Jamankól qystaǵynda oryn alǵan. Saǵat 19.00-de mal izdeýge shyqqan 1981 jáne 1988 jylǵy azamattar baǵytynan aıyrylyp qalǵan.
Olardyń joǵalyp ketkeni jóninde habar 22.30-da túsken. Turǵyndardy TJ departamentinen 2 qyzmetker bir kólikpen izdestirdi. Eki saǵattan keıin, 00.35-te adasqandar Qamystykól qystaǵynan 2 shaqyrym jerden tabylyp, aýdan ortalyǵy Jympıtyǵa jetkizildi. Jaǵdaılary birqalypty.
Eske sala keteıik, budan buryn Oralda 83 jastaǵy qarııanyń izdestirilip jatqanyn jazǵan bolatynbyz.
«Qarııa áli izdestirilýde, tabylǵan joq», dep habarlady TJ departamentiniń baspasóz qyzmetinen.
