BQO-da mal ıesine 3,6 mln astam teńge zalal keltirgen ury ustaldy
ORAL. QazAqparat - Batys Qazaqstan oblysynda mal ıesine 3,650 mln teńge zalal keltirgen ury ustaldy, dep habarlaıdy «QazAqparat» tilshisi.
BQO ІІD baspasóz qyzmetinen túsken málimetke qaraǵanda, tamyz aıynda Aqjaıyq aýdandyq ishki ister bólimine «Dóńgelek» sharýa qojalyǵynyń basshysy 11 asyl tuqymdy buqasynyń joǵalǵany jóninde aryz túsirgen.
Atalǵan derek boıynsha QR QK 188-baby 3-bóligine sáıkes (urlyq) qylmystyq is qozǵaldy.
Jedel izdestirý jumystary barysynda 6 qarasha kúni 37 jasar kúdikti qolǵa tústi. Tergeý amaldary jalǵasyp, atalǵan iske qatysty adamdardy anyqtaý jumystary júrgizilýde.
Aıta keteıik, «Dóńgelek» sharýa qojalyǵy qazaqtyń aqbas sıyryn, kóshim jylqysyn jáne asyl tuqymdy buqalardy ósirýmen aınalysady.
