BQO-da mal baǵyp júrip, joǵalyp ketken baqtashy tabyldy
ORAL. QazAqparat – Batys Qazaqstan oblysynda mal baǵyp júrip, joǵalyp ketken baqtashy tabyldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa 19 jeltoqsan kúni Qaratóbe aýdany Aqqozy aýyldyq okrýgindegi Besoba qystaǵynda boldy.
Saǵat 14.00-te 1966 jylǵy baqtashy mal baǵýǵa ketkennen oralmaǵan.
Keshki saǵat 21.20-dan bastap izdeý jumystary júrgizildi. №18 órt sóndirý bólimi men aýdandyq TJ bólimi qyzmetkerleriniń kúshimen (5 adam, 1 tehnıka) saǵat 23.45-te baqtashy tabylyp, týysqandaryna tabystaldy. Ol medıtsınalyq kómekti qajetsingen joq.
BQO TJ departamenti qys kezinde turǵyndarǵa saq bolýdy eskertedi.
Eske sala keteıik, budan buryn óńirde qar aralas jańbyr jaýyp, kóktaıǵaq bolatynyn jazǵan bolatynbyz.
