BQO-da lýdomanııaǵa shaldyqqan kásiporyn býhgalteri 118 mln teńge jymqyrǵan
ORAL. KAZINFORM - Batys Qazaqstan oblysynda memlekettik kásiporyndardyń birinde asa iri kólemde bıýdjet qarajatyn jymqyrý deregi anyqtaldy.
BQO prokýratýrasynyń baspasóz qyzmetinen málim etkenindeı, kásiporynnyń lýdomanııaǵa shaldyqqan býhgalteri kompanııa qarajatyn zańsyz paıdalanyp, «1Xbet» býkmekerlik keńsesinde báske tikken. Oǵan qosa jymqyrǵan aqshaǵa avtokólik satyp alǵan. Saldarynan memleketke 118 mln teńge zalal keltirildi.
- Bóten múlikti asa iri mólsherde zańsyz ıemdený deregi boıynsha QR QK 189-baby 4-bóligi 2-tarmaǵyna sáıkes sotqa deıingi tergep-tekserý bastaldy. Tergeýdi arnaıy prokýrorlar júrgizýde. Sot sanktsııasymen kúdikti tergeý ızolıatorynda qamaýda otyr. Avtokólikke tyıym salyndy, - dep habarlady vedomstvodan.
Ótken jyly prokýratýra organdarynyń qadaǵalaý aktisi negizinde býkmekerlik keńselerde bás tigýge qatysqany úshin túrli memlekettik organdardyń 16 qyzmetkeri jumystan shyǵaryldy.
Eske sala keteıik, budan buryn Oral qalasynda 600-deı nysan abattandyrý tizimine engizilmegenin jazǵan edik.
