BQO-da qyzmetker óziniń mektebinen 12 noýtbýk jymqyryp, 1,8 mln teńge zalal keltirgen
ORAL. QazAqparat – Batys Qazaqstan oblysynda qyzmetker ózi jumys jasaıtyn mektepten 12 noýtbýk jymqyrǵan, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkenindeı, oqıǵa Oralǵa qarasty Zachagan kentindegi mektepterdiń birinde boldy.
Ury kompıýterlik synypqa erkin kirip, 12 noýtbýkty úptep
ketken.
«Qabyldanǵan is-sharalar barysynda 30 jastaǵy kúdikti ustaldy. Onyń sol mekteptiń qyzmetkeri ekendigi anyqtaldy. Qyzmetker óz mektebine 1,799 mln teńge zalal keltirgen. Qazirgi kezde QR QK 188-baby 1-bóligine (urlyq)
sáıkes sotqa deıingi tergeý amaldary júrgizilýde», dep habarlady vedomstvodan.
Eske sala keteıik, budan buryn BQO-da «vaktsınadan polıtseı qaıtys boldy» dep jalǵan aqparat taratqan aýdıojazba avtory ustalǵanyn jazǵan bolatynbyz.
