BQO-da qyz bala ózine-ózi qol jumsady
ORAL. Batys Qazaqstan oblysynda taǵy bir oqýshy asylyp qaldy, dep habarlaıdy QazAqparat tilshisi.
BQO bilim basqarmasynyń baspasóz qyzmetinen túsken málimetke qaraǵanda, oqıǵa 6 jeltoqsan kúni Syrym aýdanynda oryn aldy.
Saǵat 18.44 shamasynda Bulan orta mektep-balabaqsha kesheniniń 9-synyp oqýshysy úıinde ózine-ózi qol jumsaǵan.
Qyz bala tolyq, az qamtylǵan otbasynda tárbıelengen. Qazirgi kezde quzyrly organdar tarapynan anyqtaý jumystary júrgizilýde.
Aýyl turǵyndarynyń sózine qaraǵanda, qyzdyń sabaǵy jaqsy bolǵan. Atalmysh otbasynda 2 qyz, 2 ul bala bolsa, marqum sonyń biri edi.
Bul - sońǵy kezdegi osyndaı úshinshi oqıǵa. Budan buryn Jańaqala aýdanynda qos birdeı 11-synyp oqýshysy asylyp qalǵan bolatyn.
