BQO-da qystaqtan shyqqan turǵyn adasyp ketken
ORAL. QazAqparat – Batys Qazaqstan oblysynda qystaqtan shyqqan turǵyn adasyp ketken, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 25 qarasha kúni Aqjaıyq aýdany Taıpaq aýyldyq okrýginde boldy.
Saǵat 09.24-te Aşyshegen qystaǵynan shyǵyp, adasyp ketken 33 jastaǵy turǵyndy izdestirý kerektigi týraly habar túsken. Ol túngi saǵat 01.00-de Aşyshegennen Taıpaq aýylyna qaraı (arasy 30 shaqyrym) bet alyp, baǵytynan jańylǵan.
Іzdestirý jumystary barysynda joǵalǵan turǵyn saǵat 13.03-te Aşyshegennen 5 km qashyqtyqta «Serbol» sharýa qojalyǵynyń qystaǵynan tabyldy. Onyń jaǵdaıy jaqsy, medıtsınalyq kómekti qajetsinbedi.
BQO TJ departamenti turǵyndardyń aýa raıy buzylatyn kúnderi aldyn ala jarııa etiletin eskertýlerge qulaq asyp, eldi mekennen alys jerlerge shyqpaýy qajettigin eske salady.
Eske sala keteıik, budan buryn BQO-da 21 tonna benzın ákele jatqan «KamAZ» kóliginiń aýdarylyp qalǵanyn jazǵan bolatynbyz.
