BQO-da qystaqqa qasqyr kirip ketti
ORAL. QazAqparat - Batys Qazaqstan oblysynda qystaqqa qasqyr kirip ketti, dep habarlaıdy «QazAqparat» tilshisi.
Aqjaıyq aýdany Jambyl aýyldyq okrýginiń ákimi Qaıyrjan Eleshevtiń aıtýynsha, oqıǵa keshe tús mezgilinde «Qyzyl aǵash» qystaǵynda oryn alǵan. Túz kókjaly osynda oryn tepken «Ores» sharýa qojalyǵynyń qorasyna kirip ketken.
Abyroı bolǵanda, qojalyq qyzmetkerleri «kútpegen qonaqty» der kezinde baıqap qalǵan. Osyny sezgen bóri dalaǵa zytyp otyrǵan. Malshylar onyń artynan «Býran» qarshanasymen qýyp, qystaqtan úsh shaqyrym jerden uzatpaı, atyp alǵan.
Aıta keteıik, óńirde mundaı tosyn jaǵdaı bıyl ázirge birinshi ret bolyp otyr.
