BQO-da kúzdik bıdaıdyń ár gektarynan 22,8 tsentnerden ónim alyndy
ORAL. QazAqparat - Batys Qazaqstan oblysynda kúzdik bıdaıdy orý jumysy aıaqtalyp keledi, dep habarlaıdy «QazAqparat» tilshisi.
Oblystyq aýyl sharýashylyǵy basqarmasynan túsken málimetke qaraǵanda, 72,43 myń ga jerge kúzdik bıdaı egilse, sonyń 70,07 myń gektary jınalyp alynyp, 159,70 myń tonna ónim alynyp, ár gektarǵa 22,8 tsentnerden aınaldy. Ótken jyly 45,06 myń gektar alqaptan 124,33 myń tonna (ár gektarǵa 27,6 tsentnerden) ónim jınalǵan edi. ıAǵnı bıyl kúzdik bıdaıdyń kólemi óskendikten, ónim kólemi de kóbeıip otyr. Bul kúzdik bıdaı egýdiń tıimdiligin kórsetedi.
Oblysta sol sekildi jazdyq daqyldarda orý jumysy bastalyp ketti. Bıyl 174,66 myń ga alqapqa jazdyq dándi daqyldar egilse, sonyń ázirge 21,76 myń gektarynan (12,5 paıyzynan) ár gektarǵa 11,9 tsentnerden ónim alynýda. Ótken jyly 168,38 myń ga alqapqa jazdyq daqyldar egilgen bolatyn.
Oblystaǵy eń astyqty aýdan Zelenov ekendigi belgili. Bıyl bul aýdanda 41,55 myń gektar kúzdik bıdaıdan ár gektaryna 24,6 tsentnerden ónim alyndy. Oǵan qosa 91,79 myń gektarǵa egilgen jazdyq dándi daqyldardan ázirge gektaryna 14 tsentnerden aınalýda.
«Bıylǵy egin shyǵymy ótken jylǵy deńgeıde. Jazdyq daqyldardy da bir aıdaı ýaqyttyń ishinde jınap alsaq deımiz. Sonymen qatar kúzdik bıdaı egý jumystary qosa júrgiziletin bolady. Bıyl 80 myńdaı gektar alqapqa kúzdik bıdaı egý josparlanýda», dedi «QazAqparat» tilshisine basqarma basshysy Berik Esenǵalıev.
