BQO-da kúıeý balasynyń janyn qıǵan turǵyn 11 jylǵa sottaldy

ORAL. KAZINFORM – BQO qylmystyq ister jónindegi mamandandyrylǵan aýdanaralyq sotynda G-ǵa qatysty adam óltirý deregi boıynshy úkim shyqty.

BQO sotynyń baspasóz qyzmetinen málim etkenindeı, Aqsaı qalasynda atalmysh turǵyn qaryndasyn uryp-soqqany úshin kúıeý balasymen sózge kelip, eki ret keýde jáne moıyn tusyna qasaqana pyshaq suǵyp, óltirgen.

Memlekettik aıyptaýshy sottalýshyǵa 11 jyl bas bostandyǵynan aıyrý jazasyn taǵaıyndaýdy surady.

Jábirlenýshi tarap eń qatal jazaǵa kesýdi ótindi.

Sottalýshy óz kinásin moıyndaǵan joq.

- Alqabıler alqasynyń kesimimen sottalýshy asa aýyr qylmysty jasaǵany úshin kináli dep tanyldy. Sot zań talaptaryn negizge ala otyryp, QR QK 99-baby 1-bóligine sáıkes 11 jyl merzimge bas bostandyǵynan aıyrý jazasyn taǵaıyndady. Jazasyn qaýipsizdigi ortasha qylmystyq-atqarý júıesi mekemesinde óteý belgilendi. Sot úkimi kúshine endi, - dep habarlady vedomstvodan.

Eske sala keteıik, budan buryn BQO-da tórt adamdy óltirgen ózbekstandyqtyń ómir boıyna bas bostandyǵynan aıyrylǵanyn jazǵan edik.