BQO-da qutqarýshylar aýyrǵan bes aılyq sábıdi aýrýhanaǵa jetkizdi
ORAL. QazAqparat - Batys Qazaqstan oblysynda qutqarýshylar aýyryp qalǵan bes aılyq sábı men onyń anasyn aýrýhanaǵa jetkizdi, dep habarlaıdy QazAqparat tilshisi.
BQO TJ departamentiniń baspasóz qyzmetinen alynǵan málimetke qaraǵanda, búgin saǵat 12.05-te Báıterek aýdany Shalǵaı aýylynda bes jasar balanyń aýyryp jatqany jóninde habar túsken.
Aýdan ortalyǵy Peremetnyıdan 41 km qashyqtyqta ornalasqan Shalǵaımen eki ortadaǵy joldy qar basyp qalǵandyqtan, qatynas úzilgen.
Báıterek aýdandyq TJ bóliminiń qyzmetkeri, azamattyq qorǵaý kapıtany Nıkolaı Slamıhın oraldyq qutqarýshylar Batyr Tilegenov pen Ázilhan Qarabasovtyń jáne arnaıy tehnıkanyń kómegimen shuǵyl aýylǵa attandy.
Sonyń nátıjesinde 2018 jylǵy I.Kashmanov pen onyń anasy, 1990 jylǵy ıÝ.Kashmanov aýdandyq ortalyq aýrýhanaǵa jetkizildi.
«Qazir olar dárigerlerdiń baqylaýynda», dep habarlady QazAqparat tilshisine TJ departamentiniń baspasóz hatshysy Jádiger Qusaıynov.
Eske sala keteıik, budan buryn oblysta 800-den astam adamnyń qar qursaýynan qutqarylǵanyn jazǵan bolatynbyz.
Búgin sondaı-aq aýa raıyna baılanysty eskertý jarııalandy.
