BQO-da kúshti jelge baılanysty joldar jabylyp, eskertý jarııalandy
ORAL. QazAqparat - Batys Qazaqstan oblysynda kúshti jelge baılanysty joldar jabylyp, eskertý jarııalandy, dep habarlaıdy QazAqparat tilshisi.
BQO TJ departamentinen túsken málimetke qaraǵanda, burqasyn kóterilip, jeldiń jyldamdyǵy sekýndyna 20 metrge jetýine baılanysty jergilikti saǵat 20.00-den bastap respýblıkalyq mańyzy bar «Qaztalov-Jánibek-RF shekarasy» jolynda barlyq kólik túrleri úshin shekteý qoıyldy.
Sonymen qatar «Ónege-Bısen-Saıqyn» joly da jabyldy.
Oǵan qosa oblysta 16 qańtar kúni jeldiń jyldamdyǵy sekýndyna 15-20 metrge jetýi yqtımal ekendigi jóninde eskertý jarııalandy.
Qazirgi kezde turǵyndar arasynda tótenshe jaǵdaılardy boldyrmaý maqsatynda tıisti sharalar qolǵa alynýda.
Eske sala keteıik, budan buryn da boran men kóktaıǵaqqa baılanysty joldardyń jabylǵanyn jazǵan bolatynbyz.
